Kryqi i Kuq: Është bërë pagesa e dytë për mbështetjen e viktimave në Koçan

Në përfundim me ditën e sotme në apelin  e Kryqit të Kuq për viktimat e zjarrit në Koçan janë mbledhur 112.595.482,00 denarë. Deri më tani, Kryqi i Kuq ka bërë pagesat fillestare për familjet e të gjithë personave të vdekur dhe të lënduar që trajtohen jashtë vendit dhe në vend. Sot është bërë pagesa e dytë për të mbështetur familjet e prekura nga aksidenti tragjik në Koçan. Nga transferet e dyta gjithsej janë paguar 60.850.000,00 denarë nga mjette e dhuruara deri më tani, informojnë nga Kryqi i Kuq.

 Nga atje shtojnë se në bashkëpunim me institucionet e brendshme profesionale në shtet, si dhe ministritë kompetente dhe Qeverinë, të cilat mbulojnë çështjet e vlerësimit të llojeve të dëmeve në situata të tilla, po punohet për gjetjen e një qasjeje që do të aplikohet në shpërndarjen e mëtejshme të mjeteve të grumbulluara nga Kryqi i Kuq. Sipas Kryqit të Kuq, kjo do të thotë mbështetje reale në kohën e duhur për trajtimin dhe përballimin e pasojave të fatkeqësisë.

“Kryqi i Kuq, së bashku me partnerët tanë, vazhdon të ofrojë mbështetje psikosociale dhe të tjera për popullatën e prekur. Për shkak të interesimit ende të lartë për dhurim, apeli për mbledhjen e fondeve vazhdon”, sqarojnë nga Kryqi i Kuq.

Nga atje, ata shprehin edhe një herë mirënjohjen e tyre të thellë për të gjithë ata që dhuruan për të ndihmuar të pësuarit.