Ekskluzive/ Veliaj do lërë paraburgimin e Durrësit, mund të transferohet në…

Kryebashkiaku i Tiranës Erion Veliaj rrezikon të trasferohet në paraburgimet e kryeqytetit, bëjnë me dije burime për Maska.al. Gjykata e Apelit të Posacëm vendosi të lërë në fuqi masën e sigurisë “arrest me burg” , Veliaj, me argumentin  se ka rrezik të dëmtojë provat dhe intimidojë dëshmitarët.

Ky rrezik u bë evident nisur nga bisedat e përgjuara nga burgu mes tij, vëllait Arbër Veliaj dhe bashkëshortes Ajola Xoxa.

Mes të tjerash, në përgjimet e bëra publike ai kërcënon zyrtarë të lartë, si ministra apo deputetë, ku thotë se “do ti mbys me thonj”.

Nisur nga këto përgjime, gjykata ka vlerësuar rrezikun që paraqet Veliaj e arsyet përse ai duhet të rrijë në qeli.

Por një tjetër problem lind pas daljes në publik të këtyre përgjimeve, shkruan Maska.al.

Drejtoria e Përgjithshme e Burgjeve është duke analizuar situatën dhe do të vlerësojë nëse do të bëjë trasferimin e tij në njërin nga dy burgjet në Tiranë; atë Mine Peza apo Jordan Misja. Për tu bërë lëvizja e një personi të arrestuar nga njëri paraburgim në tjetrin, duhet me patjetër një autorizim nga Ministri i Drejtësisë. Vendimi i ministrisë do të merret pasi  të njihet me verdiktin e mjekut dhe paikologut të burgut.

Ndaj brenda javës së ardhshme, do të ketë një vendimmarrje. Nëse Veliaj do të qëndrojë në paraburgimin e Durrësit apo do të trasferohet në paraburgimet e Tiranës.

Një ndër arsyet kryesore të kësaj lëvizje është që ai të jetë më në kontroll pasi dyshohet se vazhdon me kërcënimet e tij edhe nga burgu. /Maska.al/