Zelensky i përgjigjet Trumpit: Nuk u ofendova, një diktator do të ofendohej

Presidenti i Ukrainës, Volodymyr Zelensky, ka reaguar ndaj komenteve të presidentit amerikan, Donald Trump, i cili e quajti atë diktator javën e kaluar.

Në një konferencë për media, Zelensky theksoi se ai nuk ndihej i ofenduar nga fjalët e Trumpit, duke shtuar se një diktator do të ishte ofenduar.

Ai tha se nuk do t’i konsideronte fjalët e Trumpit si komplimente dhe, duke buzëqeshur, theksoi: “Unë nuk u ofendova, por një diktator do të ishte ofenduar.”

Zelensky gjithashtu theksoi se Ukraina ka nevojë që Trump të sigurojë se presidenti rus, Vladimir Putin, do ta ndalë luftën që po zhvillohet në Ukrainë.