Pjesëtari i një rrjeti të narkomafies nga Maqedonia arrestohet në aeroportin e Gjenevës

Një 30-vjeçar, kreu i një rrjeti të narkotikëve nga Maqedonia, i kërkuar me fletarrest evropian që nga viti 2022, është arrestuar në aeroportin e Gjenevës, Zvicër, dhe më pas është ekstraduar në Austri, raportoi portali gjerman Blick.ch.

Sipas portalit, maqedonasi, i cili është konsideruar udhëheqës i një narkomafie në të gjithë Evropën, u arrestua në aeroportin e Gjenevës. Ai ishte kërkuar me fletarrest të BE-së që nga viti 2022, me një urdhër për arrestimin e tij.

Sipas informacionit të portalit, Prokuroria Publike në Linz, Austri, e dyshon se ai është i përfshirë në trafikimin e katër kilogramë heroinë dhe 1.5 kilogramë kristal met.

Mendohet se i arrestuari ka ndryshuar identitetin për të fshehur gjurmët dhe ka arritur të fshihet deri tani, duke shpresuar që policia zvicerane nuk do ta njohë. Megjithatë, ai u arrestua më 29 janar të këtij viti në aeroportin e Gjenevës.

Pasi organet e hetimit e zbuluan këtë, urdhri për arrestimin e tij u ndryshua dhe Maqedonasi i dyshuar u arrestua. Pas arrestimit, ai u ekstradua në Austri dhe aktualisht ndodhet në një burg në qytetin e Linzit.

Sipas “Kronen Zeitung”, janë arrestuar edhe disa burra të tjerë që kanë lidhje me shefin e mafias.