Droni rus godet centralin bërthamor në Çernobil

Presidenti i Ukrainës, Volodymyr Zelensky, ka thënë se një dron rus ka goditur mburojën e centralit bërthamor në Çernobil, pranë kufirit të Ukrainës me Bjellorusinë.

Shërbimi Emergjent i Ukrainës ka lajmëruar se nivelet e rrezatimit mbeten brenda kufijve normalë.

Zelensky ka thënë se është goditur mburoja që mbron botën nga rrezatimi në njërën prej njësive të centralit të shkatërruar, raportoi CNN. 

“Nivelet e rrezatimit nuk janë rritur dhe po monitorohen vazhdimisht. Sipas vlerësimeve fillestare, dëmtimi i mburojës është i konsiderueshëm”, ka theksuar ai.

Agjencia Ndërkombëtare e Energjisë Atomike ka lajmëruar se në zonën e Çernobilit është dëgjuar një shpërthim që vinte nga mburoja që izolon mbetjet e reaktorit 4 të Çernobilit.

Reaktori 4 në Çernobil shpërtheu në vitin 1986, duke dërguar re masive radioaktiviteti nëpër pjesë të ish-Bashkimit Sovjetik dhe në Evropë. Më vonë, ai u izolua me një mburojë prej betoni e çeliku.

Last night, a Russian attack drone with a high-explosive warhead struck the shelter protecting the world from radiation at the destroyed 4th power unit of the Chornobyl Nuclear Power Plant.

This shelter was built by Ukraine together with other countries of Europe and the world,… pic.twitter.com/mLTGeDYgPT

— Volodymyr Zelenskyy / Володимир Зеленський (@ZelenskyyUa) February 14, 2025