Ballkani Perëndimor, sërish nën shenjën e bojkotit tregtar

Blerësit në vendet e Ballkanit Perëndimor janë thirrur në një tjetër bojkot të premten, raporton Anadolu Agency.

Pasi bojkoti i mëparshëm shtatëditor i tre zinxhirëve të shitjes me pakicë dhe tre produkteve në Kroaci nuk çoi në ulje të çmimeve, u vendos që të vazhdohet bojkoti në një raund të ri të një zinxhiri të shitjes me pakicë edhe për shtatë ditë të tjera.

“Nuk kemi vërejtur që çmimi i ndonjë produkti është ulur. Vëmë re se edhe çmimet e disa produkteve janë rritur, prandaj po ecin përpara”, kanë thënë organizatorët e bojkotit kroat.

Një thirrje për unitet dhe presion më të fortë

Për të premten është paralajmëruar bojkot i përgjithshëm dhe kjo është e premtja e tretë radhazi në të cilën qytetarëve u bëhet thirrje që të abstenojnë praktikisht nga të gjitha format e pagesës.

Platforma “Përshëndetje, Inspektor” u bëri thirrje qytetarëve kroatë që të tregojnë edhe një herë unitet dhe të bëjnë presion shtesë ndaj shitësve me pakicë, si dhe qeverisë, si në një bojkot të përgjithshëm të premten ashtu edhe në një bojkot javor të një zinxhiri të shitjes me pakicë.

Ndonëse qeveria kroate ka vendosur të zgjerojë “bllokimin e çmimeve” nga 30 në 40 produkte të tjera, ose në gjithsej 70, si dhe për faktin se rrjetet e shitjes me pakicë kanë paralajmëruar ulje çmimesh për qindra produkte, apo disa mijëra, qytetarët mendojnë se kjo nuk është një masë e mjaftueshme.

Qytetarët shpenzojnë më pak dhe jo vetëm të premteve. Javën e kaluar, siç thuhet nga Administrata Tatimore Kroate, janë shpenzuar gjithsej 42 milionë euro më pak se një javë para bojkotit.

Bosnjë, Serbi, Slloveni

Bojkoti i dytë radhazi i blerjeve është paralajmëruar për të premten në Bosnje, por përveç të premtes do të zgjatet edhe të shtunën, sipas Anadolu Agency.

Qeveria ka njoftuar se do të publikojë një listë me 50 produkte, çmimet e të cilave synon t’i ulë me vendim dhe t’i “bllokojë”.

Në të njëjtën kohë, në Serbi është shpallur bojkot i produkteve edhe të premten, ndërsa në Slloveni është duke u nisur një bojkot njëjavor i disa zinxhirëve dhe produkteve të shitjes me pakicë pasi ishte mënyra e parë e bojkotimit të blerjeve në atë vend javën e kaluar.

E njëjta gjë po ndodh dhe në Maqedoni. /tesheshi.com/