Lajme
VLEN: Qeveria e kaluar e BDI-së, zbatuesi më i madh i agjendës për “Botën Serbe”
KUMTESA E PLOTË E VLEN-it DËRGUAR MEDIAVE
BDI është partia e parë e shqiptarëve që i largon shqiptarët nga partnerët e tyre strategjikë perëndimorë për shkak të korrupsionit dhe krimit të saj.
Përpjekjet e dëshpëruara të BDI-së për të diskredituar funksionarët në Qeveri, duke pretenduar se ata punojnë për agjenda të huaja që largojnë Maqedoninë nga rruga drejt një shteti të barabartë dhe të qëndrueshëm, janë të dukshme.
Duhet të kujtojmë se zbatuesi më i madh i agjendës për “Botën Serbe” ishte qeveria e kaluar e BDI-së, e cila u përpoq me çdo kusht të mbijetonte nismën “Ballkani i Hapur”, megjithëse Shqipëria e braktisi iniciativën pas zhvillimeve në Kosovë.
Duhet të kujtojmë se Bujar Osmani ishte ministri i parë që priti Sergej Lavrovin në tokën evropiane.
Duhet të kujtojmë se funksionarët e BDI-së gjatë viteve të fundit kanë falënderuar Serbinë dhe Vuçiçin për mbulimin e paaftësisë së tyre për furnizimin me vaksina dhe gaz.
Gjithashtu, të kujtojmë se Artan Grubi dhe Ramiz Merko janë në listën e zezë të Amerikës për shkatërrimin e shtetit ligjor, duke tërhequr me vete edhe familjet e tyre. Faqja më e vizituar në Reçicë të Vogël është ajo e Departamentit të Shtetit Amerikan. Çdo mëngjes kontrollojnë mos ndodhet ndonjë anëtar i tyre në listën e zezë.
Të kujtojmë se BDI është partia që ka marrë para për licenca fiktive për lojërat e fatit nga kriminelë të ndryshëm të Ballkanit. Partnerët e tyre janë njerëz nga nëntoka serbe.
Veprimet e BDI-së janë tërësisht në kundërshtim me rekomandimet e partnerëve strategjikë të Maqedonisë, BE-së dhe SHBA-së.
Gjithnjë e më shpesh, BDI identifikohet me veprimet e Levicës. Ulja pranë njëri-tjetrit në bankat parlamentare duket se i ka afruar.
Interpëlancat e BDI-së janë qesharake. Është për të ardhur keq niveli ku ka rënë kjo parti duke ndjekur mendësinë e Artan Grubit dhe Bujar Osmanit. Shqiptarëve në Maqedoni u nevojitet një parti opozitare serioze, e jo një strukturë kriminale e gatshme të shesë këdo për të mbrojtur veten.
(VIDEO) Ambasada e SHBA ndan mesazhin, ambasadori Eric Wendt përshëndet shqiptarët dhe ndan 3 fushat prioritare të misionit të tij në Tiranë
Alarm në qiellin evropian: 21 aeroporte nën kërcënime të rreme me bomba, ngrihen avionë luftarakë
Zelenski propozon armëpushim dimëror me Rusinë që të mund të mbahen zgjedhje
Organizatorët e “Platformës 12:05”: E ardhmja evropiane e Maqedonisë nuk guxon të vazhdojë të jetë viktimë e interesave të ngushta partiake
A do të largohen Rubio dhe Hegseth pas humbjes në zgjedhje? Shtëpia e Bardhë reagon për zërat që tronditën administratën Trump
Shqiptarët kryesojnë me lindje në Butel, 3.255 fëmijë në 15 vjet
Pas shtyrjes për shkak të mungesës së uniformave, sot diplomon gjenerata e 63-të e Policisë së Kosovës
Goditje e madhe ndaj trafikut të drogës! Sekuestrohen mbi 300 kg kokainë, MPB-ja dhe DEA amerikane ndihmojnë në operacion
“Kam nisur si punëtor”, shqiptari që punon krah Trump-it tregon si arriti të fitonte mandatin
Hykmete Bajrami: Do të kandidoj për kryetare të LDK-së, e zyrtarizoj kur të bindem se ka një proces të drejtë
Xhamia historike në Tabanoc drejt restaurimit, Sulejmani paralajmëron mbështetje nga Ministria e Kulturës
