‘’Çka Ka Qëllu Events’’ tejkaloi pritshmëritë me organizimin në Manhattan

‘’Çka Ka Qëllu Events’’ solli në Manhattan, në mbrëmjen e 28 Dhjetorit, për herë të parë kantautorin e mirënjohur Dren Abazi dhe grupin Zig Zag Orkestra, duke i kaluar pritshmëritë e një eventi të tillë.

Dua të shpreh mirënjohjen time të thellë për të gjithë ata që morën pjesë dhe e bënë kaq speciale. Një falënderim i madh për artistët e jashtëzakonshëm, Dren Abazi, Keli Guga, Nesim Maxhuni, Jordi Roviro, Tobias Metzger, Bekim Rexhepaj, Rinor Ukimeri, Lori Miho dhe Margret Radovani, që ndanë talentin e tyre me ne.

Ajo që i bën ata akoma më të veçantë është karakteri i tyre. Mirësia, përulësia dhe autenticiteti i tyre si njerëz e ngre artin e tyre në një nivel tjetër.

Falenderime speciale shkojnë gjithashtu edhe për të gjithë artistët e tjerë që u ngjitën në skenë, e i dhuruan publikut të dashur një mbrëmje të mbushur me muzikë, gëzim dhe kujtime të paharrueshme.

‘’Çka Ka Qëllu Events’’ do vazhdojë të sjelli në skenë artistë të mirënjohur shqiptar e jo vetëm, duke e bërë këtë si një traditë të të festuarit së bashku dhe të krijimit të momenteve që nuk harrohen.

Shihemi në eventin e rradhës!