Një paralajmërim i fortë gjerman për njerëzit e Assad-it

Ministrja e Jashtme gjermane Annalena Baerbock dhe ministrja federale e Brendshme Nancy Faeser paralajmëruan mbështetësit e presidentit të rrëzuar sirian Bashar al-Assad që të mos ikin në Gjermani.

“Për cilindo nga torturuesit e Al-Assad-it që po mendon të arratiset në Gjermani, mund t’i them vetëm nëj gjë: Të gjithë mbështetësit e regjimit do të mbahen plotësisht përgjegjës përpara ligjit”, tha Baerbock për gazetën Bild am Sonntag.

Ajo shtoi se agjencitë shtetërore të sigurimit dhe shërbimet e inteligjencës duhet të punojnë ngushtë për këtë çështje.

Faeser iu referua kontrolleve të autoriteteve të sigurisë në të gjithë kufijtë dhe bëri thirrje për kujdes ekstrem.

Në vitin 2022, Gjykata e Lartë Rajonale në Koblenz nxori vendimin e parë në botë për torturën shtetërore në Siri kundër dy oficerëve të shërbimit sekret. Njëri prej tyre është dënuar me burgim të përjetshëm.

Në SHBA këtë javë, ish-kreu i një qendre paraburgimi sirian u akuzua për torturë.

Ai, 72 vjeç, drejtoi burgun Adra në Damask midis 2005 dhe 2008. /tesheshi.com/