Kurti fton Bosnjën të ratifikojë marrëveshjen për lëvizje të lirë, Kosova mundëson hyrjen pa viza për qytetarët e Bosnjës

Kreu i Qeverisë së Kosovës, Albin Kurti, ka kërkuar nga Bosnja e Hercegovina që të ndjekin shembullin e Kosovës për respektimin e marrëveshjes për lëvizje të lirë në kuadër të Procesit të Berlinit.

Kurti ka njoftuar se Kosova do ta zbatojë njëanshëm këtë marrëveshje, duke mundësuar që qytetarët e Bosnjës dhe Hercegovinës të udhëtojnë në Kosovë pa viza, duke hyrë vetëm me kartela identiteti, nga 1 janari 2025.

Ai tha se ky hap do të forcojë marrëdhëniet ndërmjet dy shteteve dhe ka kërkuar që Bosnja e Hercegovina të ndërmarrë hapa të shpejtë për ratifikimin e marrëveshjes, duke mundësuar kështu përfitime reciproke për qytetarët e dy vendeve.

“Qeveria dje ka vendosur që në mënyrë të njëanshme të zbatohet Marrëveshja e Procesit të Berlinit për Lirinë e Lëvizjes me letërnjoftime, nga 1 janari 2025, e cila do të mundësojë udhëtimin pa viza në Kosovë për qytetarët e Bosnjës dhe Hercegovinës. Ne besojmë se kjo do të forcojë marrëdhëniet mes dy vendeve tona. Siç e përmenda në Sarajevë javën e kaluar, miqësia jonë është penguar prej kohësh nga kufizimet në lirinë e lëvizjes. Ne i bëjmë thirrje Bosnjës dhe Hercegovinës që të lëvizë me shpejtësi me ratifikimin e Marrëveshjes nga ana e tyre, duke siguruar përfitime reciproke për të dy qytetarët tanë”, shkroi ai në “X”.

Yesterday, the government decided to unilaterally implement the Berlin Process Agreement on Freedom of Movement with ID cards, effective January 1, 2025 which will enable visa-free travel to Kosova for the citizens of Bosnia and Herzegovina. We believe this will strengthen the…

— Albin Kurti (@albinkurti) December 13, 2024