Gruaja e diktatorit sirian Asma al-Assad, e cila gjendet në azil në Rusi pas rënies së të shoqit Bashar al-Assad, është në gjendje kritike, sipas burimeve pranë familjes së saj, të cituar nga gazeta britanike Telegraph.
Pas përmbysjes së të shoqit, i cili prej 13 vitesh ishte diktator i Sirisë, familja Assad u nis për në Moskë. Asma al-Assad është në një situatë të keqe, siç theksojnë të njëjtat burime, të cilët flasin në kushte anonimiteti. “Ajo ka 50% mundësi për të jetuar”, thonë njerëzit pranë familjes së saj.
Majin e kaluar, sipas një njoftimi të presidencës siriane, 49-vjeçarja Asma iu nënshtrua trajtimit, pasi ishte diagnostikuar me leuçemi mieloide akute, një formë e kancerit qelizor.
Megjithatë, në periudhën 2018-2019 ajo luftoi edhe me kancerin e gjirit, nga i cili u shërua. Megjithëse gjendja e saj shëndetësore dukej se po përmirësohej, javët e fundit shëndeti i saj është përkeqësuar, sipas burimeve pranë familjes Assad.
Shanset e saj për të mbijetuar janë vetëm 50%, sipas mjekëve kurues të ish “zonjës së parë” të Sirisë, sipas gazetës britanike Telegraph.
Sipas burimeve pranë familjes së saj, gruaja e diktatorit sirian dëshiron të shpërngulet në Britani, pasi ka dy shtetësi (siriane dhe britanike). Atje ajo beson se sëmundja e saj mund të marrë kujdes më të mirë mjekësor, pasi “nuk është e mundur që ajo të marrë kujdesin e duhur në Moskë”.
Të njëjtat burime thonë se babai i saj, Fawaz Ahra, një kardiolog i dalluar sirian, është gjithmonë pranë saj në Moskë, i cili është i shqetësuar për përkeqësimin e shëndetit të vajzës së tij.
Beteja e vështirë me leuçeminë
Leuçemia akute mieloide e Asma al-Assad është një kancer agresiv i palcës së eshtrave dhe gjakut.
Ajo i ishte nënshtruar më parë trajtimit për kancerin e gjirit dhe thuhet se e mundi atë në gusht 2019 pas një viti trajtimi. Megjithatë, leuçemia e saj besohet të jetë rikthyer pas një periudhe qetësie.
“Asma po vdes”, tha një burim që kontaktoi një pjesëtar të familjes ditët e fundit, duke shtuar: “Ajo nuk mund të jetë në të njëjtën dhomë me askënd për shkak të gjendjes së saj”. Një burim tjetër tha: “Kur leuçemia kthehet, është e vështirë. Shanset e Asmas për të mbijetuar në javët e fundit ishin 50/50”.
Transport urgjent për në MB
Gruaja e diktatorit sirian dëshiron të transferohet në Britani, por qeveria britanike e konsideron atë të padëshirueshme. Sipas një burimi të gazetës britanike, “Asma po vdes. Ajo nuk mund të jetë në të njëjtën dhomë me askënd për shkak të gjendjes së saj, kështu që nuk merr një infeksion”.
Mes thashethemeve se ajo ka bërë kërkesë për divorc nga Bashar Assad për t’u kthyer në Londër, një zëdhënës i Kremlinit e mohoi lajmin. Publikimet britanike theksojnë se “kthimi i saj në Londër nuk mund të bazohet vetëm se në arsye shëndetësore”.
Kush është Asma al-Assad?
Asma al-Assad lindi dhe u rrit në Londër nga prindër sirianë. Ajo është i diplomuar në Queen’s College dhe ka studiuar Shkenca Kompjuterike dhe Letërsi Franceze në King’s College. Pas diplomimit, punoi në sektorin e investimeve, në kompani si Deutsche Bank dhe JPMorgan.
Në vitin 2000 ajo u transferua në Siri dhe disa muaj më vonë u martua me Bashar al-Assad. Çifti ka tre fëmijë. /tesheshi.com/
