Connect with us

Lajme

Nepotizëm në Arsimin e Gjilanit- Punësohet balldëska e deputetit të VV’së dhe bashkëshortja e aktivistit

Publikuar

më

Balldëska e deputetit të VV’së, Luan Aliut, dhe bashkëshortja e aktivistit, njëkohësisht edhe fotograf i Alban Hysenit, janë ndër të punësuarit së fundmi në arsim në Gjilan. Gazeta Insajderi ju sjell detaje nga lista e të punësuarve në konkursin e fundit të komunës që drejtohet nga Vetëvendosje.

Gazeta Insajderi

Drejtoria Komunale e Arsimit në Gjilan, me 20 shtator ka shpallur rezultatet përfundimtare të kandidatëve që kanë aplikuar në konkursin për mësimdhënës.

Ky konkurs, ishte për pozitat e punës si: Mësimdhënës klasor, Edukatore, Lëndë mjekësore, Gjuhë angleze, Gjuhë shqipe, Kimi, Matematikë, Lëndë muzikore, Piano, Gjeografi, Histori, në shkollat e komunës së Gjilanit.

Në këtë konkurs është përzgjedhur për edukatore në Shkollën Fillore të Mesme të Ulët “Vatra e Diturisë” në Livoq të Epërm, Mimoza Alidema.

Alidema është punësuar edukatore për grup moshat 3 deri në 5 vjeç.

Mimoza Alidema është motra e gruas së deputetit të Lëvizjes Vetëvendosje, Luan Aliut.

Gazeta Insajderi ka provuar të kontaktojë me deputetin Luan Aliun, se ka pasur ndonjë ndikim në punësimin e balldëskës së tij, por i njëjti deri në publikimin e këtij teksti nuk është përgjigjur.

Gazeta Insajderi dy vite më parë, pra në 2022’tën kishte raportuar, për të njëjtën kandidate.

Balldëska e Luan Aliut, Mimoza Alidema edhe atë kohë ishte punësuar edukatore në një shkollë në Gjilan.

Deputetit Aliu në vitin 2021 i ishte emëruar dhe motra Shkurte Aliu në Bordin e Teatrit Kombëtar.

Po ashtu në këtë konkurs, në pozitën për Kulturë muzikore, në SHFMU “Dëshmorët e Kombit, me plotësim norme në shkolla “Liria” 7 orë dhe “Fetah Qerimi” 4 orë, është pranuar kandidatja Ajshe Berisha.

Ajshe Berisha është bashkëshortja e Gent Berishës, fotograf i komunës dhe kryetarit të Gjilanit, Alban Hysenit.

Jo vetëm , Gent Berisha që nga e kaluara ka qenë aktivist i Vetëvendosjes.

Këtë e dëshmojnë edhe fotot që ai ka ndarë në profilin e tij në Facebook.

Në vitin 2021, kryetari Alban Hyseni kishte ndarë një foto, ku shkruante “Aktivistët e Lëvizjes, e kuqja po vjen”. Në foto shihet edhe Gent Berisha.

Gent Berisha, jo vetëm që ka shoqëri me kryetarin e Gjilanit, por ai duket se ka simpati edhe për akterët e lartë të Vetëvendosjes.

Me një shtator ai kishte publikuar një foto ku shihen të afërt me Ministrin Xhelal Sveçla. “Qe valla ju…!”, ishte mbishkrimi i fotos.

Gazeta Insajderi ka provuar të kontaktojë edhe me Gent Berishën, se a ka pasur ndonjë ndikim që të punësohet bashkëshortja e tij në këtë pozitë, por i njëjti, deri në publikimin e këtij teksti nuk është përgjigjur.

Gazeta Insajderi javë më parë, ka dërguar pyetje në komunën e Gjilanit dhe Drejtorinë e Arsimit në Gjilan, lidhur me këto punësime, por të njëjtit, nuk janë përgjigjur deri më tani. 

Në komunën e Gjilanit tash e disa javë është duke pasur reagime edhe nga opozita, të cilët kanë hedhur akuza për punësime partiake e familjare./Insajderi.org/

Maqedoni18 minutes ago

Letër me kërcënime në zyrën e presidentes Siljanovska-Davkova, arrestohet 46-vjeçari

Shqipëri48 minutes ago

Kukësi akuzon për dhunë: Lojtarët morën dëmtime fizike, kemi bërë kallëzim

Lajme1 hour ago

Bekim Sali dhe Edi Rama shpallosin pllakatën Konsullatës së Nderit të Shqipërisë në Manastir

Lajme2 hours ago

“Mos e prekni shqipen!” – Në Ditën e Alfabetit, të rinjtë e BDI-së protestojnë para Kushtetueses!

Lajme2 hours ago

Mashtronte kinse vuante nga leukemia, arrestohet në Gjilan pasi dyshohet se përmes “GoFundMe” grumbulloi mbi 189 mijë euro

Lajme2 hours ago

Bilall Kasami dhe Izet Mexhiti takohen me Albin Kurtin: Diskutojnë zhvillimet politike dhe bashkëpunimin rajonal

Lajme2 hours ago

Mesazh emocionues nga Lazim Destani për Ditën e Alfabetit: “Gjuha shqipe na bashkon, ta përcjellim me dashuri te brezat që vijnë!”

Maqedoni2 hours ago

Rregulla të reja për regjistrimin e automjeteve: Gjoba prej 100 dhe 500 eurosh

Maqedoni2 hours ago

Alarmante: 12 mijë fëmijë në Maqedoni të ekspozuar ndaj abuzimit seksual në internet

Shqipëri3 hours ago

Kumbaro dënon sulmet ndaj të rinjve që takuan Ramën: Linçimi në rrjetet sociale është terrorizim i hapësirës publike

Lajme4 hours ago

Deputeti Burim Ramadani rendit dështimet e Qeverisë Kurti: Çështja e rrymes ia ka qit kulmin!

Lajme4 hours ago

Kasami pas takimit me Ramën: Vazhdojmë ta bëjmë punën tonë me përkushtim, për lidhje më të forta me Shqipërinë dhe Kosovën

NA NDIQ NË FACEBOOK