Huamarrja hungareze – LSDM: Budapesti konfirmoi se paratë janë të Kinës!

Mickoski vendos peng vendin dhe në varshmëri të dëmshme politike nga vende të treta, në kundërshtim me interesat kombëtare, thonë nga LSDM-ja duke komentuar huamarrjen prej 500 milion eurove nga Hungaria.

Socialdemokratët thonë se Qendra Hungareze për Menaxhimin me borxhin shtetëror, ka publikuar se Hungaria ka marrë 1 miliardë euro para kineze nga Banka e Kinës për zhvillim, ku si thonë, të dhënat janë të publikuara në faqet e tyre elektronike.

BOGDANKA KUZESKA – LSDM

“Pas shkrimeve në mediat me renome botërore, kjo paraqet edhe një konfirmim tjetër zyrtar se paratë e kredisë hungareze, në fakt, janë para të Kinës. Do të thotë, krahas korrupsionit, Mickoski dëshiron ta fsheh origjinën e parave nga Kina dhe për këtë shkak shpejton që me procedurë të shpejtë ta fusë në Kuvend”

Ligji për këtë huamarrje në mënyrë të shpejtë e kaloi filtrin e parë parlamentare në komisionin amë. Javën e ardhshme Ligji do të votohet me procedurë të shkurtuar. Paralajmërimet thonë se ky ligj do të vehet në rend dite të martën.

Banka Hungareze duhet t`i huazojë Maqedonisë së Veriut 500 milion euro, me tr evite grejs-periudhë dhe 12 vite afat të pagesës, me normë interesi 3.25%. Huamarrja do të paguhet në 24 këste gjysmëvjetore.  /tvklan.mk