Ukraina e befason Rusinë, 300 ushtarë ukrainas futen në territorin rus dhe nisin një sulm

Moska ka thënë se rreth 300 ushtarë nga Ukraina filluan një sulm ndërkufitar, me raporte për luftime në një qytet deri në 10 km brenda Rusisë.

Ministria e Mbrojtjes e Moskës tha të martën vonë se deri në “300 militantë ukrainas” nga brigada e 22-të e mekanizuar e Ukrainës nisën sulmin në orën 8 të mëngjesit, të mbështetur nga “11 tanke dhe më shumë se 20 automjete të blinduara luftarake”, raporton The Guardian, përcjell Insajderi.

Luftimet u zhvilluan gjatë gjithë ditës midis fshatrave kufitare Nikolayevo-Daryino dhe Oleshnya në rajonin e Kursk, dhe deri në brendësi të Rusisë deri në skajet e Sudzha, 10 km nga vija e frontit.

Megjithëse Rusia tha se kishte zmbrapsur inkursionin, raportet nga blogerët ushtarakë rusë dhe fotografitë në mediat sociale treguan se sulmi ukrainas ishte efikas. /Insajderi.org/