Përplasi makinën me shtyllën, ndërron jetë shqiptarja në Korfuz

Një 39-vjeçare shqiptare ka gjetur vdekjen në Korfuz pas një aksidenti rrugor.

Ajo ka humbur kontrollin e mjetit dhe është përplasur me një shtyllë elektrike.

Aksidenti ka ndodhur rreth orës 07:00 në rrugën periferike të Perivolit në jug të Korfuzit.

Mjeti ka pësuar dëmtime të mëdha ndërsa në vendngjarje mbërriti një autoambulancë e EKAB-it, ku ekipet e shpëtimit konfirmuan vdekjen e 39-vjeçares.

Shërbimi Zjarrfikës ka kryer operacionin për nxjerrjen e trupit të gruas, shkruan Albeu, përcjell Insajderi.