Reja e biznesmenit, militanti i Vetëvendosjes e familjarë të Vjosa Osmanit- Kush janë disa nga noterët që u emëruan nga Albulena Haxhiu

Vendimet me 100 emrat e përzgjedhur për noterë të rinj tashmë janë bërë publik nga Ministria e Drejtësisë. Ministrja, Albulena Haxhiu e dha dritën e gjelbër për emërimin e noterëve që do të angazhohen me punë në disa komuna.

Në mesin e tyre, pati aplikantë që u dërguan larg vendbanimeve ku ata jetojne. Kryesisht, këta aplikont ishin të afërt me politikanët e partive opozitare.

Noterët e afërt me partinë në pushtet u lanë kryesit në Prishtinë ose vendbanimet ku ata jetojnë.

Njeriu i Vetëvendosjes, Milot Podvorica është ne mesin konkurrentëve që u emërua si noterë në Prishtinë.

Ai ka qenë ish-këshilltar i ministrit të Vetëvendosjes, Arben Vitisë dhe asamblist i kësaj partie në Prishtinë.

Ne mesin e noterëve është edhe reja e biznesmenit Bedri Prishtina i cili është pronar i kompanisë “Tregtia”.

Erblina Krasniqi-Prishtina është emëruar të ushtrojë pozitën e noterës në Komunën e Prishtinës.

Gazeta Insajderi ka raportua edhe për emërimin e familjares së presidentes Vjosa Osmani. Luljeta Plakolli-Kasumi është vajza e tezës së presidentes. Ajo është emëruar si notere në Komunën e Mitrovicës.

Si notere është emëruar edhe Klestë Hamzaj shoqja e ngushtë e motrës së presidentes, Blinera Osmani.

Ajo do të shërbej si notere në Komunën e Vushtrrisë.

Për më shumë detaje ndiqeni storjën më poshtë: