“Qe 2 javë e ma shumë pa ndriçim” – Banorët e lagjes “Dardania” me ankesa ndaj Komunës së Prishtinës

Ka më shumë se 2 javë që banorët e lagjes “Dardania” në kryeqytet kanë mbetur pa ndriçim publik.

Banorët i thanë Insajderit se janë të shqetësuar për fëmijët e tyrë të mitur që shpesh lozin në atë pjesë, madje edhe për vetura e tyre të cilat mund të jenë cak i hajdutëve meqë ajo zonë është tejet e frekuentuar.

Shto këtu edhe faktin që në afërsi ndodhet edhe shkolla fillore “Dardania”.

“Nuk po e kuptojmë pse po ndodhë kjo, njëherë i lëshojnë tani i ndalin pa kurrfarë sqarimi”, u shpreh banori i lagjes në kryeqytet.

“Terr burg, kurgjo nuk sheh ka rrezik me të kap naj qen a naj hajdut lirisht”, tha njëri prej tyre.

“Shkolla është afër, fëmija tonë luajnë qetu”, ka deklaruar një banore e kësaj lagje.

Një ankesë të tillë, banorët e kanë pasur edhe në muajin prill të këtij viti, e për të cilin Insajderi ka kërkuar sqarim nga Komuna e Prishtinës.

Menjëherë pas interesimit të Insajderit, banorët na kanë thënë se iu janë lëshuar dritat.

Ndërkohë, tash e dy javë sërish nuk po kanë ndriçim për këtë sërish Insajderi ka kërkuar sqarim nga Komuna por të njëjtit nuk kanë kthyer asnjë përgjigje.