Një 18-vjeçar për mbrojtjen, Interi firmos me talentin spanjoll

Interi bën një tjetër goditje në merkato, këtë herë më shumë në aspektin e perspektivës. Në pritje të komunikatës zyrtare, zikaltrit kanë depozituar në ligë kontratën e firmosur me mbrojtësin e talentuar spanjoll Alex Perez.

Ky i fundit mbërriti të enjten në Milano dhe kreu testet mjekësore, teksa më pas firmosi edhe kontratën që do ta mbajë të paktën një sezon te Interi.

Kjo pasi zikaltrit kanë arritur marrëveshjen me spanjollët e Betisit për të marrë 18-vjeçarin në huazim për një sezon, me të drejtë blerjeje për një shifër modeste, duke qenë se mbrojtësi kishte vetëm një vit kontratë me spanjollët.

Lexo edhe: 

• Monaco e priste për firmë, Mikautadze tani është pranë rikthimit në vendlindje
• Roma zyrtarizon portierin e ri, firmos për një sezon me Mathew Ryan
• Pas 22 vitesh në Premier, anglezët i besojnë portën një shqiptari
• Nations League, publikohen çmimet e biletave të Shqipëri-Gjeorgji

Alex Perez është regjistruar te skuadra e të rinjve të Interit, por do të stërvitet nën urdhrat e Simone Inzaghit, ku do të provojë të bindë teknikun për t’i dhënë sa më shumë minuta me ekipin e parë.