Connect with us

Lajme

Momenti kur ndodh shpërthimi në Ujman

Publikuar

më

Dy vetura janë dëmtuar në afërsi të Liqenit të Ujmanit, konkretisht në pjesën ku po freskohen qytetarët si pasojë e gjuajtës me granatë dore.

Lajmin për Insajderin e ka konfirmuar zëvendësdrejtori i policisë për rajonin e Veriut, Veton Elshani.

Elshani tha se Policia e Kosovës ka dalur menjëherë në vendin e ngjarjes dhe po qëndrojnë ende aty.

“Persona të lënduar nuk ka, vetëm dy vetura janë dëmtuar”, tha Elshani.

Më tutje ai tha se janë duke punuar në zbardhjen e rastit.

Pas këtij lajmi ka reaguar edhe kryeministri i Kosovës, Albin Kurti ka reaguar pas shpërthimit në afërsi te Liqenit të Ujmanit. Ai ka thënë se Serbisë nuk po levërdisë normaliteti i krijuar në atë pjesë.

Sipas tij, “nervoza po u bëhet agresive” duke iu referuar grupeve të ndryshme kriminale që kanë përfituar nga ajo pjesë e Kosovës, shkruan Gazeta Insajderi.

Qytetarët teksa po freskoheshin në Liqenin e Ujmanit dëgjohen krismat nga shpërthimi.

Pamje nga momenti i shpërthimit:

NA NDIQ NË FACEBOOK