Lajm tronditës vjen nga Franca: Evra dënohet me 12 muaj burgim

Ish-legjenda e Manchester United, Patrice Evra, është dënuar me 12 muaj burgim pasi është shpallur fajtor për braktisjen e familjes së tij gjatë dy viteve të fundit.

43-vjeçari dyshohet se i ka një borxh prej 969 mijë eurosh gruas së tij Sandra Evra dhe dy fëmijëve të tyre mes datës 1 maj 2021 dhe 28 shtator 2923. Dënimi i tij u konfirmua nga zyra e prokurorit të Nanterre, ka raportuar Le Parisien.

Ky dënim prej 12 muajsh është pezulluar për dy vjet me ekzekutim të përkohshëm, por ish-kapiteni i kombëtares së Francës është urdhëruar që t’i paguajë 4 mijë euro gruas së tij për dëmin moral dhe 2 mijë euro për shpenzimet ligjore.

Evra ka nisur një apel kundër vendimit, ka konfirmuar gjykata, me Jerome Boursican, avokati i tij, që ka insistuar se faktet janë të kontestuara nga klienti i tij.