Haradinaj sulmon ashpër Kurtin: E largoi Kosovën nga BE dhe NATO, por nuk mund të mashtrojë më askënd

Kreu i AAK-së, Ramush Haradinaj, vazhdon ta akuzojë kryeministrin Albin Kurti për mashtrime.

Sipas Haradinajt, Kurti është përgjegjës për largimin e Kosovës nga rruga drejt BE dhe NATO-s, duke e “kthyer vendin në një rrugë të gabuar”.

Haradinaj është shprehur i ashpër ndaj Kurtit, duke thënë: “Ky mashtrues nuk heq dorë nga mashtrimet e tij të zakonshme, edhe pse ai definitivisht nuk mund të mashtrojë më askënd.”

Postimi i tij i plotë:

Albin Kurti paska thënë se asgjë nuk i shërben paqes më shumë se anëtarësimi i Kosovës në BE dhe në Nato! E paska zbuluar ujin e nxehtë!!! Por paska harruar mashtruesi se nëse ka një njeri që e ka larguar Kosovën edhe nga BE edhe nga Nato dhe e ka kthyer në rrugë të mbrapshtë, është pikërisht ai!

Ky mashtrues nuk po heq dorë nga mashtrimet ordinere të tij, edhe pse ai definitivisht nuk mund të mashtrojë njeri më!