I dehur, djali i shoferit të Pal Lekajt godet një këmbësore në Gjakovë, voziste pa patentë shofer

Një person në Gjakovë e ka goditur me veturë një këmbësore sot në Gjakovë, shkruan Insajderi.

Personi që e ka shkaktuar aksidentin kuptohet se është djali i shoferit të deputetit, Pal Lekaj

Sinjali raporton se Leart Kusari, i biri i Leandrit Kusarit, dyshohet se derisa ishte nën ndikimin e alkoolit, ka goditur me automjet një vajzë, duke i shkaktuar lëndime trupore.

Në bazë të informacioneve të para, aksidenti ka ndodhur gjatë ditës dhe Policia ka intervenuar menjëherë në vendin e ngjarjes.

I dyshuari Kusari është shoqëruar në stacion policor dhe më pas me vendim të Prokurorit të Shtetit është ndaluar për 48 orë.

Burimet e medias kanë bërë me dije se i dyshuari ka vozitur pa patentë shofer, pasi ky dokument i ishte konfiskuar për 9 muaj.

Kusarit i është konfiskuar edhe automjeti dhe brenda aftit ligjor pritet të ndërmerren veprimet e nevojshme hetimore.

Insajderi ka kërkuar përgjigje nga Policia në Gjakovë për të kuptuar më shumë detaje, por të njëjtit nuk janë përgjigjur deri tani.