Sport
Balotelli: Acerbi është mbrojtur, Milani fiton derbin, por jo titullin
Ndonëse luan në Turqi, Mario Balotelli nuk mungon asnjëherë me komentet e tij mbi futbollin në Itali, teksa së fundi është ndalur të japë mendimin e tij edhe për çështjen Acerbi, me mbrojtësin italian që u akuzua për sjellje raciste ndaj brazilianit të Napolit, Juan Jesus.
Gjykata Sportive në Itali mbylli çështjen për mungesë provash ndaj fjalëve me kontekst racor të Acerbit, megjithatë Balotelli mendon se ndaj mbrojtësit italian është përdorur një strategji protektive.
“Më duket e pamundur që me gjithë ato kamera të mos gjesh asnjë pamje apo provë për rastin. Kam përshtypjen që është përdorur një strategji protektive ndaj Acerbit, që është pikë e rëndësishme edhe e formacionit të kombëtares”, u shpreh Balotelli.
Lexo edhe:
- 500 ndeshje si trajner/ Shpëtim Duro, një karrierë në tri dekada e shtete dhe shumë suksese të arritura
- U dëmtua në Kombëtare, trajneri i Sassuolos sqaron gjendjen e shqiptarit
- Leao, premtim besnikërie Milanit: Qëndroj këtu!
- “Derbi” me Juven në merkato, Interi përgatit planin për 28-vjeçarin spanjoll
- VIDEO/ Festojnë Cesena dhe Shpendi, bardhezinjtë pas 6 vitesh në Serie B
Ish-sulmuesi i Interit dhe Milanit në Serinë A është ndalur edhe te derbi i Milanos, i planifikuar për më 22 prill, por edhe te gara për titullin kampion.
“Unë mendoj se Milani ka shanse reale që të fitojë derbin dhe kam bindjen që do t’ia dalë, por thjesht sa për t’i shtyrë festën titullit. Që Interi të mos fitojë titullin, duhet të pësojë 5 humbje, diçka e pamundur për një skuadër që deri tani ka humbur vetëm një herë”, tha Supermario.