Një makinë e bllokuar në ishull për vite me radhë – pamja e radhës e çuditshme nga Google Street View

Google Street View mund të tregojë shumë pamje të çuditshme. Por, këto të fundit i tejkalojnë të gjitha.

Imazhet e shpërndara së fundmi tregojnë një makinë Volvo që ka kaluar nëntë vjet në një ishull të vogël, në mes të një liqeni në Otava.

Me kalimin e viteve, vendi është shndërruar në një atraksion turistik, shkruajnë mediat e huaja, përcjell Telegrafi.

Njerëzit shpesh e përdorin Google Maps për ta gjetur vendndodhjen e Volvos dhe shkojnë atje për t’i realizuar foto.

Bëhet e ditur se vetura shfaqet edhe në Google Maps Satellite View.

Por kush e vendosi atë aty dhe e la për aq gjatë?

Pronari i ishullit është Scott Man. Ai e parkoi sedanin aty gjatë një gare argëtuese kur ishulli në fakt ishte fundi i një gadishulli. Toka që e lidhte bregun me fundin e gadishullit është larguar dhe që atëherë vetura ka qëndruar aty. /Telegrafi/