Nëna e hodhi në lum, gjendet trupi i pajetë i foshnjës

Pas disa orësh kërkime në lumin Tapizë në Krujë, është gjetur trupi i pajetë i foshnjës së sapolindur që u hodh në ujë nga nëna. Bëhet me dije se trupi i pajetë i foshnjës është dërguar në morgun e Tiranës, ku do i nënshtrohet dhe ekspertizës mjeko-ligjore.

42-vjeçarja Leta Koçi pas lindjes fëmijën e ka vendosur në qese dhe e ka hedhur në lum. Fëmija ka lindur në kushte shtëpie, ndërsa askush nuk e dinte se 42-vjeçarja ishte shtatzënë. Madje edhe bashkëshorti i saj para uniformave blu është shprehur se nuk e ka ditur që gruaja ishte shtatzënë.

42-vjeçarja nënë e pesë fëmijëve, pas lindjes ka shkuar në spital pasi kishte shfaqur probleme shëndetësore, ku mjekët kanë zbuluar se gruaja s’kishte shumë orë që kishte lindur. Ajo para hetuesve është shprehur se fëmija ka lindur i vdekur dhe ndaj e ka hedhur në lum, teksa ka refuzuar të tregojë se ku e ka hedhur ekzaktësisht, duke pretenduar se nuk e mban mend.

Lexo edhe: 42-vjeçarja hodhi në lum foshnjën, flet bashkëshorti: S’e dinim që ishte shtatzënë

Nuk dihet shkaku që ka çuar 42-vjeçaren në këtë akt të tmerrshëm që të vendosë fëmijën e saj në qese dhe më pas ta hedh në lum.

“Specialistët për Hetimin e Krimeve të Komisariatit të Policisë Krujë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ndaluan shtetasen L. K., 42 vjeçe, banuese në Tapizë, për veprën penale “Vrasja e foshnjes”.

Kjo shtetase, ditën e sotme, rreth orëve të mëngjesit, dyshohet se pasi ka lindur foshnjen në ambientet e banesës së saj, duke pretenduar se ka lindur e vdekur, e ka futur në një qese dhe më pas e ka hedhur në bregun e lumit të Tapizës. Materialet procedurale i kaluan Prokurorisë, për veprime të mëtejshme”, njoftoi policia më herët për ngjarjen.

Lexo edhe: Horror në Krujë, nëna vret foshnjën e porsalindur, e fut në qese dhe e hedh në lum