Prizrenasi vendos flamurin ‘UÇK’ në autobusin me tabela të Serbisë, arrestohet pasi dyshohet se sulmoi priftin

Të dielën një incident ka ndodhur në Prizren. Një qytetar vendosi një flamur në një autobus me tabela të Serbisë i cili u ndal te Ura e Arastës.

Policia ka nisur hetimet për këtë rast ndërkohë që i dyshuari është arrestuar.

Siç merr vesh Sinjali, gjithçka nisi pasi vizitorët serbë zbritën nga autobusi me tabela të Vranës, kur një qytetar i Prizrenit u afrua dhe vendosi një flamur me mbishkrimin ‘UÇK’.

Pas kësaj, një prift serb dyshohet se doli te autobusi, ku ndodhej edhe i dyshuari, por ky i fundit e ka kapur për krahu dhe e ka larguar.

Posa rasti është raportuar në Polici, njësitet përkatëse kanë intervenuar, ndërkohë që pas ndërmarrjes së veprimeve të nevojshme, i dyshuari është prangosur.

Me urdhër të Prokurorit të Shtetit, i njëjti është dërguar në mbajte për 48 orë dhe ndaj tij është inicicuar rasti “Sulm”.