PDK në Prishtinë: Rama u hakmor pasi nuk e përkrahëm për Badovcin

Shefi i asamblistëve të PDK-së në Prishtinë, Leutrim Retkoceri e quajti hakmarrje shkarkimin e drejtorit, Ilirk Musliut, pasi kjo parti nuk e mbështeti për këmbim të pronave në Badovc.

Ai tha se ky vendim nga ana e kryetarit Rama erdhi pasi dolën publikisht se nuk përkrahin këtë këmbim.

“Rama për Badovc u hakmor! Pasi treguam publikisht se PDK nuk mbështet këmbimin e pronave në Badovc me ish-klientët e tij”, ka shkruar Retkoceri.

Edhe nënkryetarja e Komunës së Prishtinës, Donjeta Sahatçiu ka dalë publikisht kundër kryetarit Përparim Rama, duke thënë se e ka shkarkuar Ilirik Musliun për “revanshe personale”.

Sahatçiu tha se ky shkarkim pa komunikim tek ai dhe të tjerët, është revansh personal.