I dehur i rezistoi dhe i sulmoi policët, arrestohet

Është arrestuar një person në magjistralen Prishtinë-Mitrovicë, pasi i njëjti ka sulmuar fizikisht policët.

I dyshuari nuk kishte zbatuar urdhrat e zyrtarit policor në një pikë kontrolli të veturave

“Gjatë arrestimit i dyshuari kishte qenë agresiv duke rezistuar dhe sulmuar zyrtarët policor të cilët kanë pësuar lëndime trupore”, njofton policia.

Policët kanë pranuar trajtim mjekësor, ndërsa është konstatuar se i dyshuari ishte nën ndikim të alkoolit.

“Me vendim të prokurorit kujdestar, i dyshuari është dërguar në mbajtje.“, thuhet në raportin e policisë.

Rasti është cilësuar ‘sulm ndaj personit zyrtar’./Insajderi.org