Haradinaj: Albin Kurti është i kurdisur nga Serbia, në Maqedoni i shërbeu Rusisë

Kryetari i AAK-së, Ramush Haradinaj, tha se ndërhyrja e pushtetit të Kurtit në zgjedhjet në Maqedoninë e Veriut është “shërbim i agjendës ruse dhe serbe”.

Haradinaj tha se veprimi i Kurtit është rrezik dhe se kështu prishet Ballkani.

“Unë nuk mendoj që ka të bëjë fare me shqiptarët e Maqedonisë, Albini s’po shkon me ndihmu një krah, as nuk mundet me dobësu Ali Ahmetin sepse ai është politikan serioz. Ai po shkon vetëm me ja hap dyert Serbisë në kërkesat jolegjitime ndaj nesh e pastaj me na u lëshu në shpinë krejt aleatët tanë. Edhe pasi të shkon Kurti kan me na thanë kryeministri juaj ka bo fushatë në shtete fqinje”, tha Haradinaj në T7.

Tutje, ish-kryeministri tha se si të kërkon ministri Sveçla me shku në Preshevë është agjenda ruse.

“Është rrezik qa po bën. Agjenda serbe, agjenda ruse, si të kërkon Sveçla me shku në Preshevë është agjenda ruse”.

“Është agjenda e tyre destabilizimi i Maqedonisë, ndërhyrja prej shtetit në shtet e kryeministrave në fushata ja legjitimon Vuçiqit me shku në Mal të Zi te serbët e vet, ti je ka e prish Ballkanin”, tha tutje ai.