ATK-ja mbledh mbi 111 milionë euro nga tatime në muajin janar, 4% më tepër se plani

Si rezultat i përpjekjeve të vazhdueshme për të mbledhur tatimet në përputhje me ligjin, Administrata Tatimore e Kosovës ka njoftuar me rezultatet e të hyrave të mbledhura për muajin e parë të vitit 2024.

Në muajin e parë të vitit 2024, ATK-ja ka arritur të mbledhë një shumë prej 111.22 milionë euro e të hyrave të mbledhura ku ka tejkaluar pritshmëritë e ATK-së, duke arritur të mblidhen 14.5 milionë euro më tepër se periudha e njëjtë e vitit të kaluar, si dhe 4.26 milionë euro apo 4 % më tepër se plani.

Në njoftimin e ATK-së thuhet se, këto rezultate janë tregues i përpjekjeve të vazhdueshme për të forcuar zbatimin e ligjit dhe për të siguruar integritetin, besueshmërinë dhe profesionalizmin në mbledhjen e tatimeve, duke theksuar që ky sukses reflekton punën e palodhshme të punonjësve të ATK-së si dhe bashkëpunimin e mirë me institucionet e rendit dhe ligjit por edhe me tatimpaguesit. /Insajderi.org/

Njoftimi i plotë: