Ambasadori italian: Zgjedhjet në veri të mbahen sa më shpejt

Ambasadori Italian në Kosovë, Antonelo De Riu, në një intervistë për RTK-në ka thënë se Komisioni Qendror i Zgjedhjeve duhet të shpejtojë me verifikimin e nënshkrimeve që janë dërguar nga qytetarët e katër komunave në veri të vendit, që sa më shpejt të mbahen zgjedhjet atje.

Më tutje diplomati italian shprehi shqetësim edhe për rregulloren e re të Bankës Qendrore të Kosovës. Ai tha bashkërisht duhet gjetur rruga e duhur drejt tranzicionit të zbatimit të rregullores së re të BQK-së.

Sipas tij kjo duhet bërë për të shmangur tensione të mundshme.