Qeveria i kërkon Presidentes autorizim për tunelin në rrugën Tetovë-Prizren

Qeveria e Kosovës ka siguruar buxhetin për Ndërtimin e Tunelit në rrugën Tetovë-Prizren.

Në mbledhje elektronike të mbajtur mbrëmjen e sotme është miratuar vendimi për të kërkuar nga presidentja Vjosa Osmani dhënien e autorizimit ministrit të Mjedisit, Liburn Aliu për nënshkrimin e marrëveshjes së bashkëfinancimit për hartimin e projektit për ndërtimin e tunelit në rrugën Tetovë-Prizren ndërmjet Qeverisë së Kosovës dhe asaj të Maqedonisë së Veriut.

Studimin e fizibilitetit e ka kryer Ministria e Mjedisit, sipas së cilës, rruga Prizren-Tetovë do të jetë rreth 50 kilometra e gjatë dhe do të përfshijë një tunel prej 6.4 kilometrash, duke shkurtuar kohën e udhëtimit në më pak se një orë.

Ky projekt lidh Prizrenin me Tetovën edhe dy korridore të rëndësishme siç janë korridori 8, nga Shkupi në Durrës, dhe korridorin e rrugës së Kombit, nga Prishtina në Tiranë, të cilat lidhen përmes rrugës Prizren-Tetovë.

The post Qeveria i kërkon Presidentes autorizim për tunelin në rrugën Tetovë-Prizren appeared first on Insajderi.