​Von der Leyen: Marrëveshja e Ohrit duhet të zbatohet

Kryetarja e Komisionit Evropian, Ursula von der Leyen, ka thënë se rruga e Kosovës dhe Serbisë drejt BE-së vie përmes përmbushjes së obligimeve të marra nga dialogu.

Pas përfundimit të Samitit të BE-së – Ballkani Perëndimor në Bruksel, Von der Leyen në konferencën për media, tha se Kosova dhe Serbia kanë ndërmarrë hapa të rëndësishëm këtë vit me marrëveshjen për Marrëveshjen e Ohrit, për të cilën tha se duhet të zbatohet.

“Për Kosovën dhe Serbinë, rruga përpara mbetet e qartë: ata duhet të vazhdojnë me angazhimet e tyre siç janë përcaktuar nga dialogu i BE-së. Ne jemi të kënaqur me arritjen e Marrëveshjes së Ohrit dhe tani presim të shohim një zbatim të vendosur të saj. Për më tepër, është inkurajuese të dëgjosh për përpjekjet e reduktimit të tensioneve në veri të Kosovës, duke u fokusuar tek çështjet siç janë targat e automjeteve, energjia dhe organizimi i zgjedhjeve të hershme komunale,” tha von der Leyen.

Ajo përmendi progresin për hapjen e negociatave të anëtarësimit me Shqipërinë dhe Maqedoninë e Veriut si dhe perspektivën e Bosnje dhe Hercegovinës për të nisur këto bisedime pas përshtatjeve të nevojshme.

“Ne duam t’i hapim negociatat e anëtarësimit sipas metodologjisë së re me Maqedoninë e Veriut dhe Shqipërinë dhe presim t’i hapim ato me BiH kur ai vend të arrijë një nivel të caktuar të përmbushjes së kritereve. Sa i përket Malit të Zi, ne kemi një moment të ri me një të ri Qeveria dhe vendi duhet të kthehen në rrugën e anëtarësimit. Kur është fjala për Kosovën dhe Serbinë, rruga e tyre drejt BE-së shpie përmes përmbushjes së obligimeve të marra nga dialogu”, tha von der Leyen për media.

Dokumenti i plotë i BE’së: https://www.consilium.europa.eu/media/68850/brussels-declaration-sq.pdf?utm_source=dsmsauto&utm_medium=email&utm_campaign=Brussels%20declaration%2C%2013%20December%202023&fbclid=IwAR3FxJX0CQhaiS6f2aK5ZHMfS-VA-nKruzxTlNH4aqkW9ZeryvGZi2hPLIE