Vrasje e rëndë në tentativë në Mitrovicën e Veriut, policia jep detaje

Policia ka raportuar se pas një zënke verbale, një person ka sulmuar dhe therur me thikë një tjetër në Mitrovicë të Veriut të dielën.

Më pas, i dyshuari është larguar nga vendi i ngjarjes.

Viktima është dërguar në spitalin rajonal të Mitrovicës së Veriut për tretman mjekësor.

Njësitë relevante policore kanë dalë në vendin e ngjarjes, me ç’rast kanë gjetur dhe sekuestruar një revole dhe një granatë dore.

Rasti është inicuar si “vrasje e rëndë në tentativë dhe armëmbajtje pa leje”.