Pamje TRONDITËSE/ Vrit*t me armë, prezantuesi i radios gjatë transmetimit LIVE!

Një prezantues radio në Filipine është qëlluar për vdekje gjatë transmetimit direkt, raporton BBC.

Juan Jumalon, i njohur si “DJ Johnny Walker”, u qëllua brenda studios, të cilën e kishte në shtëpi, ka njoftuar Policia.

Presidenti i Filipineve, Ferdinand Romualdez Marcos Jr. ka dënuar fuqishëm vrasjen e gazetarit të radios.

Katër gazetarë janë vrarë që kur Marcos Jr. mori mandatin në qershor të vitit 2022, ka thënë Asociacioni i Gazetarëve të Filipineve.

“Sulmi është edhe më i dënueshëm pasi ndodhi brenda shtëpisë së Jumalonit, që shërbente edhe si radio stacion”, ka thënë Asociacioni.

Jumalon po transmetonte direkt në Facebook rreth orës 5:30 me kohë lokale, kur një person u fut brenda dhe e qëlloi.