Në lokal me babain, më pas i përplasi për vdekje të birin, zbardhet deklata e shoferit shqiptar për aksidentin tragjik

Detaje të reja kanë dalë në dritë në lidhje me aksidentin rrugor ku humbi jetën 29-vjeçari Aldo Gjoka. Djali shqiptar humbi jetën pasi motori i tij Yamaha u përplas nga një “Jaguar” pasditen e 7 shtatorit. Rikonstruksioni i aksidentit erdhi pas marrjes në pyetje të drejtuesit të mjetit para gjyqtares Anna Paola Capano. 44-vjeçari me iniciale R.T, drejtuesi i makinës goditi dhe vrau të riun përgjatë rrugës bregdetare Melendugno–Otranto, pranë Torre Specchia.

Historia e të dyshuarit

Burri gjithashtu me origjinë shqiptare, në arrest shtëpie pas ngjarjes, në prani të avokatit të tij Nicola Di Bello, ka rrëfyer orët që i paraprinë aksidentit fatal. Pasi drekoi në një restorant në San Cataldo, ai kishte dëgjuar theksin midis e disa shqiptarëve. Mes të ftuarve ishte edhe babai i Aldo Gjokës. Grupi i vogël bisedoi së bashku për më shumë se gjysmë ore, duke pirë disa gota raki dhe duke përfituar nga prania e një këngëtari shqiptar.

Më pas përshëndetjet dhe shkëmbimi i kartvizitave, veçanërisht mes 44-vjeçarit dhe babait të Aldos, përpara se të hipnin sërish në makinë dhe të shkonin drejt aksidentit tragjik ku humbi jetën 29-vjeçari. Megjithatë, për momentin nuk ka ndonjë përparim në dinamikën e aksidentit. Burri thuhet se deklaroi se nuk i kujtohej asgjë nga përplasja, duke specifikuar gjithashtu se i ra të fikët sapo i shpërtheu airbag-i i automjetit.