Skandal në Policinë e Malit të Zi: Inspektorët organizuan orgji, publikohen fotot prej stacionit policor

Sipas gazetës “Borba”, këta dy inspektorë organizuan orgjinë me dy gra dhe gjithçka u koordinua përmes një telefoni të koduar, ku informohet se njëri prej tyre është polic Lj. M., i cili akuzohet se është në krye të klanit “kavaçki”.

“Borba” bën me dije se ka marrë në dorë këto fotografi, të cilat i ka publikuar dhe ato janë pjesë e dosjes që Europol u ka dërguar autoriteteve kompetente rreth mesazheve të kapura.

Një nga dy gratë në këto fotografi ishte në qendër të një skandali një vit më parë, kur i dënuari Gj. P., i cili po vuante dënimin në Spitalin e veçantë për psikiatri në Kotor, publikoi një fotografi ku ishte në dhomën e spitalit me një femër të zbathur dhe një tjetër pjesërisht të zbathur, e veshur me uniformën e një punonjëse shëndetësore.

Në fotografitë e përmendura duket qartë sjellja e papërshtatshme në stacionin e policisë, dhe kjo shoqërohet me mesazhet që njëri nga inspektorët i dërgon Lj. M.