Ymeri: Personi që beson më së paku në demokraci është Kurti

Analisti Visar Ymeri, ka thënë se personi që beson më së paku në demokraci është kryeministri i Kosovës, Albin Kurti.

“Nëse përnjëmend duam të diskutojmë ku po shkon vendi dhe a është mirë nga ku po shkon vendi, duhet t’i diskutojmë këto tri shuarje të mëdha”, ka thënë Ymeri në ‘Debat Plus’ të RTV Dukagjini.

Sipas tij një nga këto shuarje është LVV-ja.

“Vetëvendosjen s’mundemi me kthy, mirëpo politikën dhe qeverisjen, ne s’kemi qare pa e rikthyer në Kosovë nëse duam të kemi një vend demokratik. E këtu i vetmi njeri që flet për demokraci është ai që beson më së paku dhe ai është kryeministri Kurti”, ka thënë Ymeri.

Sipas tij, kreu i ekzekutivit gjithë ditën flet se si Kosova është vend demokratik, dhe se sipas Ymerit, vetë pikënisja e tij është autoritare.