Shkon në mbi 600 numri i të vdekurve nga konflikti Izrael – Palestinë

Rreth 24 orë pas nisjes së sulmit të befasishëm të Hamasit në Izrael, raportohet për 613 viktima nga të dyja palët.

Ushtria izraelite thotë se ka ende 8 “pika angazhimi” me militantët e Hamasit brenda territorit të saj, megjithëse pretendon se ka rimarrë kontrollin e 22 vendndodhjeve në jug të vendit. Hamasi thotë se “luftimet e ashpra” vazhdojnë.

Ambasada e Izraelit në Turqi, duke cituar Ministrinë e Shëndetësisë të Izraelit tha se të paktën 300 izraelitë janë vrarë deri më tani dhe dhjetëra janë rrëmbyer.

Mbi 400 palestinezë janë vrarë në jug të Izraelit dhe në Rripin e Gazës dhe dhjetëra janë kapur, ka thënë zëdhënësi i Forcës Mbrojtëse të Izraelit, Daniel Hagari, për “Times of Israel”.