Abbas i kërkon shefit të OKB-së të ndërhyjë kundër agresionit izraelit

Në një telefonatë me shefin e OKB-së Guterres, presidenti i Palestinez, Abbas i ka kërkuar organit ndërkombëtar që të ndërhyjë menjëherë dhe të ndalojë agresionin izraelit kundër palestinezëve, tha agjencia zyrtare palestineze e lajmeve Wafa.

“Shkëlqesia e tij theksoi nevojën për dërgimin e ndihmës humanitare dhe mjekësore në Rripin e Gazës, duke theksuar rëndësinë e një ndërhyrjeje të OKB-së për të shmangur një katastrofë humanitare”, tha Wafa.

Sipas deklaratës, Abbas përsëriti gjithashtu se zgjidhja e vetme për përshkallëzimin rajonal është një rezolutë politike për t’i dhënë fund pushtimit izraelit dhe për të krijuar një shtet palestinez me Jerusalemin si kryeqytet.