Serbia vazhdon të bashkëpunojë me Rusinë, Daçiq në takim me Lavrovin

Ministri i Punëve të Jashtme të Serbisë, Ivica Daçiq është takuar me homologun rus, Sergey Lavrov në New York.

Kështu ka bërë të ditur ministria e Punëve të Jashtme e Rusisë në platformën X, por nuk ka dhënë detaje shtesë rreth takimit.

“Ministri i Jashtëm rus, Sergej Lavrov zhvilloi bisedime me Zëvendëskryeministrin e Parë, Ministrin e Punëve të Jashtme të Serbisë, Ivica Daçiq në margjinat e Sesionit të 78-të të Asamblesë së Përgjithshme të OKB-së”, thuhet në njoftim.

Russia’s Foreign Minister Sergey #Lavrov held talks with First Deputy Prime Minister, Minister of Foreign Affairs of Serbia Ivica #Dačić on the sidelines of the 78th Session of the UN General Assembly.#RussiaSerbia #UNGA78 pic.twitter.com/yqdwodvTdK

— MFA Russia (@mfa_russia) September 22, 2023

Kujtojmë se, Serbia është i vetmi vend nga Ballkani që nuk i ka vendos sanksione shtetit rus për pushtimin e Ukrainës, të cilën gjë ia kanë kërkuar bashkësia ndërkombëtare.