Connect with us

Maqedoni

Dita e katërt e kërkimeve të trupit të 29 vjeçarit në Liqenin e Gllazhnjës

Publikuar

para 3

më

Tetë zhytës nga forcat speciale të ushtrisë “Ujqërit” sot vazhdojnë kërkimet për 29-vjeçarin, i cili u zhduk pasditen e 29 korrikut të këtij viti në ujërat e liqenit artificial Gllaznjë në rajonin e Likovës.

Siç informon Qendra e Menaxhimit të Krizave (QMK), kushtet e kërkimit janë shumë të vështira, thellësia e ujit është më shumë se 20 metra, vetëm pak metra larg bregut, përcjell INA.

Sipas QMK, dukshmëria është gjithashtu e dobët, veçanërisht në thellësi më të madhe. Ata theksojnë se po vijojnë kërkimet në bregun e liqenit, ndërsa punonjësit policor nga SPB Kumanovë po bëjnë sigurimin e vendit të aksidentit.

29 vjeçari që u zhduk në ujrat e liqenit është Fazli Ramadani nga fshati Nikushtak i komunës së Likovës, bëri të ditur kreu i kësaj komune, Erkan Arifi.

“Humbjet e tilla gjithmonë ndikojnë rëndë mbi të gjithë ne, prandaj më lejoni ti shpreh ngushëllimet e mia familjarëve të Fazli Ramadanit nga f.Nikushtak, i cili tragjikishtë në moshën 29 vjeçare humbi jetë në ujrat e pendës së Gllazhnjës. I lutemi Zotit ta pranoj në mëshirën e tij, e neve nuk na mbetet asgjë tjetër përveç durimit”, thuhet në telegramin ngushëllues të Arifit. (INA)

Etiketimet:
Advertisement