Vrasja e trefishtë në Rufc, reagon Komuna e Lipjanit

Pas vrasjes së trefishtë në Rufc të Lipjanit, ka reaguar kjo komunë duke shprehur ngushllime për rastin.

Ata e kanë quajtur lajm të kobshëm këtë ngjarje si dhe ndjejnë dhimbje me ta.

“Kryertari i Komunës së Lipjanit z. Imri Ahmeti në emër të të gjitha institucioneve të Komunës ju shpreh ngushëllime familjes Bekteshi”, thuhet në postimin e komunës.

Kujtojmë se pavarësisht ngjarjes së rëndë që tronditi Lipjanin, Komuna ka vendosur që të vazhdoj me festivalin e mërgatës në qendër të qytetit.

Postimi i plotë:

Telegram ngushëllimi për familjen Bekteshi.

E nderuar familje Bekteshi,

Kryertari i Komunës së Lipjanit z. Imri Ahmeti në emër të të gjitha institucioneve të Komunës ju shpreh ngushëllime familjes Bekteshi.

Lajm i kobshëm për humbjen e jetës së tre qytetarëve tanë ka tronditur thellë qytetarët dhe opinionin e gjerë.

Ndjejmë dhimbje dhe shprehim ngushëllime familjes Bekteshi, miqëve të familjes Bekteshi dhe qytetarëve.

I.A