Shkoi për pushime në Maryland – gruaja nga Ohio fiton çmimin e lotarisë prej 50 mijë dollarëve

Një grua nga Ohio bëri të ditur se një ditë me shi gjatë pushimeve të saj në Maryland e çoi drejt fitimit të një çmimi lotarie prej 50,000 dollarësh.

Gruaja 58-vjeçare nga periferia e Cleveland-it u tha zyrtarëve të Lotarisë së Maryland-it se ajo dhe burri i saj ishin me pushime në Ocean City kur moti prishi planet e tyre për atë ditë.

“Ne luajmë lotari edhe në qytetin tonë”, kujton pushuesja. “Ne ishin duke shëtitur me veturë pasi binte shi dhe im shoq sugjeroi të merrnim disa bileta”, vazhdoi ajo, raporton UPI, transmeton Telegrafi.

Blerjet në 7-Eleven i dhanë çiftit një biletë falas për shortin e Pick 5 si pjesë e promovimeve të Javës së Lotarisë.

“Ne po largoheshim nga sporteli kur na thirri arkëtari”, tha gruaja. “Burri im e futi në xhep. Ne nuk menduam asgjë për të”, shtoi ajo.

Çifti po mbushnin makinën e tyre me benzinë për udhëtimin e tyre në shtëpi të nesërmen kur vendosën të kontrollonin biletat. Ata zbuluan se kishin fituar xhekpotin prej 50 mijë dollarësh në shortin e 19 korrikut të lotarisë Pick 5.

“Sigurisht që na ngriti humorin. Ishte gjithçka për të cilën folëm,” tha gruaja. Fituesja deklaroi se një pjesë e parave do të shkojnë për projektet e renovimit të shtëpisë. /Telegrafi/

The post Shkoi për pushime në Maryland – gruaja nga Ohio fiton çmimin e lotarisë prej 50 mijë dollarëve appeared first on Telegrafi.