“Kurti vjet e vendosi gurthemelin e kësaj çerdheje, më s’u bë asnjë punë”

Bekim Salihu nga Instituti GAP ka publikuar një fotografi të vitit të kaluar, ku kryeministri Albin Kurti shihet, siç thotë ai, në ceremoninë e vendosjes së gurthemelit të një çerdheje në Prishtinë.

Salihu shkroi në Facebook se që nga ajo kohë nuk është lëvizur asnjë gurë.

“Kjo foto e Kurtit është bërë në tetor të 2022 në lagjen ku unë jetoj në Prishtinë. Ai pati vendosur gurthemelin për ndërtimin e çerdhes. Ai tha në atë kohë në ceremoni se kjo është dëshmi e përmbushjes së zotimeve tona”, shkroi Salihu.

“Nga tetori 2022 deri në korrik 2023, asnjë centimeter punë në këtë lokacion nuk është bërë. Tani duhet të thuash, kjo është dëshmi e deshtimeve tua”, shtoi ai.