E kishte mbajtur sekret prej kohësh, Enca zyrtarizon lidhjen me të dashurin e ri fizioterapist

Enca Haxhia ka zyrtarizuar lidhjen e re nëpërmjet një videoje në “Instagram”.

Prej muajsh ajo kishte zbuluar se ishte në lidhje me një shtetas të huaj, që nuk ishte njeri publik.

Ajo pati postuar një foto në det, ku shihej e shtrirë në një dërrasë së bashku me partnerin, ndërsa shkruante:

“Kam rënë në dashuri me shokun tim të ngushtë”.

Deri më tani ajo nuk e kishte publikuar fytyrën e tij, teksa tashmë është ai vetë, që ka zyrtarizuar gjithçka.

Ai ka ndarë një video nga pushimet e tyre ku shihen shumë të dashuruar me njëri-tjetrin.

Në një moment dyshja puthen në buzë, teksa krah videos ai shkruan: “Gjëra mes të dashurës dhe të dashurit”.