“Kurti ka dëshirë të rrëzohet nga opozita, është futur në sokak pa dalje”

Visar Azemi nga LDK, ka thënë se kryeministri i Kosovës Albin Kurti, mund të ketë dëshirë që të rrëzohet nga opozita.

Kjo pasi sipas tij, sa më shumë po qëndron në pushtet po i thellohen telashet me faktorin ndërkombëtar.

Në Pressing të T7, Azemi ka thënë se Kurti më nuk e ka as simpatinë që e kishte nga një masë e popullsisë.

“Kurti madje mund të ketë dëshirë që ta rrëzojë opozita sepse ai është futur në një sokak pa dalje. Madje sa më shumë që të jetë në pushtet do të futet në telashe me faktorin ndërkombëtar, por edhe me popullatën në Kosovë pasi ne po shohim që nuk e ka atë simpatinë që e ka pas”, ka thënë Azemi.