I dhuroi Brazilit Botërorin e fundit, ndërron mendje dhe rikthehet në stol

Aventurë e re për Luiz Felipe Scolarin, trajnerin e fundit që i ka dhuruar një Kupë Bote kombëtares së Brazilit (2002). Në Botërorin e Japonisë dhe Koresë së Jugut.

Felipao dërgonte në majën e botës një skuadër spektakolare me emra të paharrueshëm si Ronaldo Fenomeni, Rivaldo, Ronaldinho, Cafu dhe Roberto Carlos.

74-vjeçari, i cili ka një eksperiencë të madhe si trajner, njoftoi tërheqjen përfundimtare 14 nëntorin e vitit të kaluar. Kur u nda me Athletico PR.

Klub ku një ditë më vonë mori postin e drejtorit teknik. Por, propozimi i Atletico Mineiro i ka ndërruar mendjen. Scolari ka pranuar ofertën për të marrë drejtimin e skuadrës nga Belo Horizonte.

Lexo edhe:

• Kërkohej nga Milan e PSG, sulmuesi i Chelsea-t nis bisedimet me Al-Nassr
• Walker mendon largimin nga City, Bayern e pret krahëhapur
• Dzeko preferon Fenerbahce para Interit, shpejt takohet me drejtuesit e klubit turk
• Alvaro Morata drejt Arabisë, spanjolli “tundohet” nga superoferta

Përveç kombëtares braziliane, Scolari ka drejtuar Chelsea dhe Portugalinë, por edhe shumë skuadra braziliane, kineze dhe arabe.

“Një nga trajnerët më të suksesshëm në historinë e futbollit, Felipao nënshkruan me ne deri në dhjetor 2024.

Carlos Pracidelli do të jetë ndihmësi i tij”, lexohet në komunikatën zyrtare të Atletico Mineiro. Që me Scolarin në pankinë synon të luftojë për fitimin e trofeve.

#FamíliaScolari #FamíliaGalo

Ele trouxe uma das maiores glórias para o nosso país. Agora vai em busca de novas conquistas pelo Galão da Massa!

#GaloPaixãoNacional pic.twitter.com/V8mSxw9Wq3

— Atlético (@Atletico) June 16, 2023

The post I dhuroi Brazilit Botërorin e fundit, ndërron mendje dhe rikthehet në stol appeared first on SuperSport.