Të hënën shpallet vendimi i gjykatës për zjarrin në spitalin e Tetovës

Seanca e fjalëve përfundimtare u shty dy herë për shkak të mungesës së palëve. Me 25 prill mungoi i akuzuari Florin Besimi, siç u tha për shkaqe shëndetësore. Ndërsa për të njëjtat arsye me 10 maj mungoi avokati i të akuzuarit Artan Etemi.

Dhënia e dëshmive mbaroi seancën e njëmbëdhjetë të mbajtur me 6 prill 2023.

Disa seanca të gjykimit që nga fillimi me 6 shtator 2022 e deri më sot janë shtyrë për shkak të mungesës së të akuzuarve apo avokatëve të tyre.

Familjarët e viktimave janë shprehur se nuk i besojnë drejtësisë së shtetit, por se përsëri nuk i humbin shpresat, ndërsa nuk përjashtohet mundësia e kërkimit të hetimit ndërkombëtar për rastin.