Ekzekutoi pronarin e shtëpisë për qiranë, burg 34-vjeçarit në Shkodër

SHKODËR- Gjykata e Shkodrës caktoi masë sigurie “arrest me burg” për 34 vjeçarin Lekë Vuksani, i cili është autori i dyshuar i vrasjes së 51-vjeçarit Petrit Vuksani ngjarje e ndodhur me 2 maj 2023 në lagjen “Skënderbeg” në Shkodër.

Në seancën e vleresimit të masës së sigurisë i 34 vjeçari nuk ka folur, por ka preferuar të flasin avokatët.

Avokati mbrojtës Vladimir Ladaj ka kërkuar nga gjykata vlerësimin psikologjik të 34-vjeçarit dhe caktimit të masës së sigurisë arrest me burg me afat. Kërkesa e mbrojtjes është refuzuar nga gjykata, e cila ka miratuar kërkesën e prokurorit të çështjes Vat Stakaj caktimin e masës së sigurisë arrest me burg për veprën penale vrasje me paramendim.